Падчас сталічнага дэрбі затрымалі каля 200 футбольных фанатаў. Затрыманых завезлі на ІЧУ Акрэсьціна. Там пасьля маўклівых акцый пратэсту ўжо не хапае месцаў для затрыманых маладзёнаў.
Заўзятары "Дынама” і ”Партызана” ледзь не ўчынілі масавую бойку. Сёння іх судзілі за "дробнае хуліганства”.
Здарэнне адбылося 10 ліпеня непадалёк ад стадыёна "РЦАП-БДУ”, дзе
праходзіла гульня другой лігі паміж "Партызанам-2” і "Дынама-2”.
"Вартаўнік расказаў, — Людзей было многа, аўтобусамі вывозілі
адсюль. І майкі з іх здымалі, зрывалі і не толькі. Сабралі два вялікія
пакеты з майкамі і шашкамі. Тут была цэлая каша”.
Паводле інфармацыі goals.by, у пачатку першага тайма каля 200 фанатаў
"Дынама” пакінулі трыбуну і накіраваліся ў бок вуліцы Сямашкі. Там іх
чакала яшчэ каля 100-150 фанатаў. Праз некаторы час да іх выйшла каля 70
фанатаў-антыфашыстаў "Партызана”. Міліцыя стрымала варагуючыя бакі.
Аднак паміж імі завязалася лаянка, пасля чаго фанаты "Дынама” запалілі
фаеры і пачалі кідаць іх у заўзятараў "Партызана”. Адзін з фаераў
патрапіў у акно ДТСААФ, а яшчэ адзін прыляцеў да міліцэйскай машыны.
Адразу ж у бойку ўмяшаўся спецназ. У сваіх "Гасцявых” фанаты пішуць, што
было затрымана і развезена па розных РУУС Мінска каля 200 чалавек.
Дакладная лічба затрыманых невядомая. У прэс-службе сталічнай міліцыі
паведамілі, што пра інцыдэнт увогуле нічога не чулі. Між тым у
панядзелак адбыліся суды.
Па словах аднаго з "партызанаўскіх” фанатаў, амаль 30 антыфашыстаў
атрымалі штрафы ад 175 да 350 тысяч рублёў. Яшчэ тры чалавекі
арыштаваныя на 5 сутак.
На думку хлопца, фаны "Дынама” могуць панесці больш суровае пакаранне.
"Ім будуць, магчыма, больш жорсткія суды, бо яны прымянялі падручныя
сродкі камяні, фаеры. То бок, у адносінах да іх могуць быць распачатыя
крымінальныя справы.
На сваёй "Гасцявой” фанаты "Дынама” пішуць, што ўжо распачата крымінальная справа за збіццё 8-мі спецназаўцаў.
|